Na Mwandishi wetu.
Rais wa Zanzibar na Mwenyekiti wa Baraza la Mapinduzi Dkt Hussein ali Mwinyi amemteua Mhe. Hemed Suleiman Abdulla kuwa Makamu wa Pili wa Rais wa Zanzibar. kwa mujibu wa Taarifa iliyotolewa tarehe 06 Novemba 2025 na Ofisi ya Baraza la Mapinduzi, imeeleza kuwa uteuzi huo umeshaanza rasmi .
Kwa mujibu wa taarifa iliyotolewa na Katibu wa Baraza la Mapinduzi na Katibu Mkuu Kiongozi, Mhandisi Zena A. Said, Mhe. Makamu wa Pili wa Rais ataapishwa siku ya Jumamosi tarehe 08 Novemba 2025 saa 4:00 asubuhi katika Ikulu ya Zanzibar.
